2010年10月24日

101024花心坑至北港

鮎魚游走, 仲將雲雨也帶走, 咁我今日就可以行山

我慣左早起, 所以 6點幾就叫醒細媽, 8點就到廣源村, 我地經黃泥頭上花心坑起步, 你地睇太陽伯伯一早開工 



過晒小徑, 我地在車路轉右去明記花園的斜路上石芽背....





經一輪水泥徑同石級....


8:31am到呢度, 就見郊野公園地圖, 有路標指上石芽背....


上路上山....   














幾好天......     











到石芽背都9:44am, 我地接入麥理浩徑, 開始行萬里長城古道....


今年5月16日來時, 超級大霧, 今日陽光普照....





























周圍長滿芒草, 好靚....





10:40am 到芙蓉別.......









婆婆身後有小路往三塊田, 上次直情係大霧到睇唔清....


繼續麥徑走, 行行下, 有隻馬騮在我地身後走出來, 仲一路跟住行, 嚇到媽咪催我地唔好停留...        


遠遠尖起的大金鐘, 好靚, 也好遠....


11:58am到茅坪五聯達草地....


小休 10分鐘, 要起步啦, 因為無預備午餐, 要落回市中心先有得食

媽咪本打算向北港方向行大水井古道, 去大水井, 我當然無異議


梅北古道都係用石板砌得好好, 但一望.....


一路落斜, 我有D攰, 想.........


到交叉位, 媽咪又重新講解條路俾婆婆聽, 點知婆婆話去北港條路未行過, 不如今次試下行, 我地僅唔敢反對


原來梅北古道係條好斜的石板砌道, 你地睇下......


行左咁耐, 仲係咁俾ge....            


好彩我唔驚, 我有身後盾, 無有怕


行了好長又直又企又斜的古道, 終於行返稍稍平緩路...


準備離開郊野公園範圍...





12:51pm 到引水道





當轉入水務署車路, 突然有 6隻野狗撲出來吠我, 媽咪大喝佢地, 佢地都即退後...

反正行左咁耐, 細媽叫我上車, 途中遇到 4位公公婆婆, 佢地話o個 6隻狗, 以前有人養, 後來主人搬出村口, 留低了它們在原地, 於是變了流浪狗, 怪不得媽咪一喝即停啦


沿北港路過北港新村, 仲有一段路先到西貢公路....





13:41pm出到西貢公路, 我地選擇行埋去市中心食 lunch, 當然我仲係坐緊私家車

兩點多坐低在餐廳, 今日連休息共行左 6個鐘, 好夠, 今日天氣唔算太熱, 下午開始有雲遮掩時, 我地已經完成行程, 天公真係對我地一家好好






7 則留言:

  1. 禽日行完,今日又行!洛洛你真係好勁!我真心封你做偶像呀!
    [版主回覆10/25/2010 14:02:00]洛洛 : 奶茶, 我星期六只係落地行左一陣, 絕大部份時間都係細媽抱我或在袋中咋 , 我見你同 E2都有行青衣山, 咪一樣好叻

    回覆刪除
  2. 嘩,你地今日行得好遠喎
    [版主回覆10/25/2010 14:03:00]唔係行好遠咋, 只係慢, 好似行左好遠程

    回覆刪除
  3. 咦~~ 某d路 .. 我係咪行過 ka
    [版主回覆10/25/2010 14:07:00]有, 由廣源上黃泥頭, 及五聯達落北港往大水井交叉點, 應該有 5%路後, 係同 Elmo行過   
    其實係兩條唔同路, 只係有交匯位相同而已

    回覆刪除

  4. 得5%  咋 
    [版主回覆10/25/2010 15:49:00]其實係少過 5 %好多, 費事講得咁少咋

    回覆刪除
  5. 大姐, 你講真定講笑呀 ?? 上次由廣原村行到去西貢, 都冇你地今次o既5%  
    貢你地 .. 到底行去去邊 ? 去左 深圳呀
    [版主回覆10/26/2010 12:27:00]呢位小姐, 你問 ge係咪有d 路段, 有同你及 Elmo行過呀  

    回覆刪除
  6. 嘩....6隻狗撲出嚟, 好驚呀!!
    [版主回覆10/26/2010 12:28:00]洛洛 : 佢地俾媽咪音波功嚇窒左而停低退後了

    回覆刪除
  7. 呢段路,我好似行過,又好似冇步行過,我記得我好似繼續行入梅子林,而梅子林係冇出路,要一直行到茅坪,西貢菠蘿輋, 再又菠蘿輋行落西貢市中心!
    [版主回覆10/26/2010 17:24:00]梅子林有好清晰路出返富安花園, 我地呢個夏季就係咁過
    其中一段係麥徑, 你無可能無行過

    回覆刪除