昨晚媽咪見珮珮同埋成班朋友仔, 去左川龍飲茶, 於是話俾婆婆聽, 點知婆婆即時話又想去, 我地對上一次係上年1122去過, 雖然知今日唔會太好天, 唔想掃婆婆興, 一於照去
我地今日 8:45am又係去彩龍茶樓, 因為可以上樓上雅座, 當開晒位, 拎齊點心, 準備照相時, 大頭蝦媽咪竟然漏左帶相機
咪即係今日無相, 唔可以寫Blog o羅
不幸中, 媽咪手提電話都可以影到相, 以為搞唔到入電腦, 好彩都整到, 質素唔好, 仲好過無
就係無相機, 媽咪無晒心機, 起步惟有借用上年 1122張起步相
飲完早茶, 真係專心一致去行山
媽咪在網上見腸叔叔介紹另一條路由川龍落引水道, 今日一於試下
途經兩個野餐區......
然後落一大段樓梯級, 行山人士叫 "和尚吊頸", 本來試下想去圓玄學院, 點知落引水道, 應該係轉右, 媽咪無睇地圖就轉左, 於是最後又係去左城門水塘, 沿路不停落毛毛雨, 但引水道好車路, 唔難行, 時間好快過, 到菠蘿壩小巴站坐車回到荃灣, 都係未到 1 點, 輕鬆自左又半日
細媽已經落旨, 要媽咪整定張清單執背囊, 以後唔準又漏帶野
哈哈!吾怪之得婆婆同細媽穿咁多衫啦!
回覆刪除[版主回覆10/11/2010 09:55:00]係 lor, 上年11月尾已經凍
呢段我以前行過！！ 10。10。10 竟然冇落雨！！好野！
回覆刪除[版主回覆10/11/2010 13:26:00]你指話行過"和尚吊頸"嗎
落到引水道, 已經有雨, 雖然唔係好大, 都要擔遮 ga
人人都有帶漏野o既時候
回覆刪除[版主回覆10/11/2010 13:29:00]有三次漏左帶洛洛 D 雞肉, 好彩都可以買返, 但相機真無可能在山上有得買
手機都OK啦！最緊要有開心片段嘛！
回覆刪除[版主回覆10/12/2010 12:43:00]係 ar, 好彩都有一兩張, 起碼有記錄, 知道洛洛 D腳毛幾時踏過後留低
好彩有手機補飛 洛洛下次出銜記得提Mammy帶齊嘢喇
回覆刪除[版主回覆10/12/2010 12:44:00]細媽已經落左 order, 前一日按清單執野
最緊要記得開心既片段就得~不過最好帶埋相機啦，哈~
回覆刪除無帶相機行山，反而可以專心享受同絡絡行山既過程。
回覆刪除