知唔知呢D係嘜呢
拉近睇真D
其實佢地係黃家內一大家族的新一代
佢地係叫蠑螈, 仲係在卵子內發育中......
破殼而出了
其實前年都有幾條長成至1.5cm, 細媽將佢地放埋入原來的蠑螈一齊生活, 點知俾大蠑螈當大餐
上年又生左一大胎, 只係最後全軍覆沒
睇住今年的卵子孵化成長......
雖然有些中途夭折....
仍有些能健康成長......
今次細媽學精了, 另外買多個魚缸俾蠑螈 BB....
細媽估原有的蠑螈, 應該有幾條係媽咪, 所有先後生左幾次蛋, 於是D蠑螈 BB就有大細差別.....
過了一段時間, 今年有四條成功生存下來, 遲D等佢地再大些, 就可以同返佢地爸媽一齊生活喇
係唔係鹽蛇嚟ka
回覆刪除[版主回覆09/18/2010 23:04:00]都話係蠑螈呀
佢地係咪兩棲類動物？
回覆刪除[版主回覆09/18/2010 23:09:00]係ar, 所以我地個魚瓶有高低層, 有膠樹同石, 等佢爬高
(Empty)
回覆刪除[版主回覆09/18/2010 23:09:00]仲mud 咁驚ar
大得咁快嘅咩？
回覆刪除[版主回覆09/18/2010 23:10:00]唔係好快, 佢地有兩個月大左右, 現有 4 cm, 唔算快
佢哋食乜架？真係好似鹽蛇呀！
回覆刪除[版主回覆09/18/2010 23:15:00]細時食龜糧, 而家食急凍紅蟲
唔似鹽蛇ar, 因為我地好多鹽蛇, 佢地係益蟲, 食蟑螂或是螞蟻, 而且有人講, 家有鹽蛇, 風水好wor, 我家當佢地係福將, 所以好易分辨
蠑螈, 我成日睇電視都覺得佢地好似長身嘅青蛙~
回覆刪除你好呀.. 我有少少問題想問 我係我個蠑螈缸度都發現左 3 粒好似蛋咁既野 .. 其中有兩粒痴左係個浮台度, 痴得好實, 我唔敢太大力拇佢落黎, 另外一粒我已經將佢隔開左 ... 我想問, D蛋大約要幾耐先會變蠑螈 BB? 同埋另兩痴實個浮台果兩粒應該點處理? 同埋.. D蠑螈蛋洗唔洗用氣泵架? 同埋,, 蠑螈 BB 係食咩架呢? 唔該晒你呀!' 另外想問一問,, 你養既係咩品種既蠑螈?
回覆刪除[版主回覆12/18/2010 20:41:00]
我係用指甲輕手刮佢地落黎, 有些唔小心刮掉透明外層, 都唔緊要, 只要唔傷個蛋蛋都無問題. 佢地都照樣會成長為BB, 我無用氣泵ka, 只係將佢地隔開. 間中同佢地換水, BB出世後, 再換另外一個魚缸. 我就用魚糧/龜糧再搌到變幼粉末狀喂佢地, 不過唔好比咁多, D水容易變濁, BB就好容易死, 出齊腳仔, 就食紅虫. 不過變成大蠑螈樣後都唔好急於放回爸媽個缸呀!!我試過放埋一齊第2日就唔見左. 到依家都係分開養KA. 重有要用有蓋的缸, 我又試過比佢地爬了出來, 失蹤了. 我唔係好記得要幾耐才會變BB, 應該大約要3星期吧. 希望幫到你啦. 我唔知是什麼品種KA, 佢地只係花園街最便宜果D, 黑背橙肚囉.