昨晚接近12點，大媽在房聽到BB鴿又大叫，大媽心諗收工返來，無見過鴿媽來餵食，竟然落大雨就來，咪走去八下卦，原來大雨撇入花槽淋濕左鞋盒致塌陷壓住，所以BB鴿大叫救命，其中一隻逃走到出來，大媽即喺屋企搵材料，整個臨時有蓋位，拎起濕透鞋盒，有一隻困在內，放個膠盒入去，佢地好快識入去避雨😊
鴿媽今早有返來餵食，見BB鴿肚下未長羽毛，希望佢地唔好太百厭跳上跳落，好驚高空墮樓🙈
2025年7月1日
2025年6月29日
2025年4月19日
250419洛婆婆又入院
洛婆婆今年踏入86歲，今年16/1至19/1都試過第二次腳腫，引致傷口潰爛有少傷口滲體液，要入院消水腫，早在上星期見佢腳腫，都有定心理準備。
前晚發現左腳又潰爛了一小攤，已馬上碘酒消毒蓋藥棉，昨晚見藥棉濕晒，都知不妙，馬上消毒用m巾包好，執定走佬袋，準備今早去急症室。
可能大批人離港，急症室竟然好少人，又或喺婆婆算半緊急，好快有醫生檢查照超聲波同X-光，由入急症室到上病房，只係兩個半鐘，今次真快，入院安頓有照顧，會安心.
訂閱：
文章 (Atom)