101017秋高氣爽在深涌

今日好好天呀, 我地約埋成廿幾人, 廿幾狗地, 分批入榕樹澳集合, 浩浩蕩蕩行入去深涌               

第一批齊人同狗地後, 開始出發往目的地....

由榕樹澳入深涌, 都係沿海岸線行, 對我當然無難度

竟然有人在碼頭搭營, 真怪

入到深涌大草地, 我地搵左一棵大樹下, 放低行裝, 我地每個小朋友就周圍跑

婆婆, 陪我跑草地啦

我地今日團友中, 有一隻北京, 兩隻西施, 佢地都披左厚mink, 所以特別熱, 你地睇下, 妹妹行到草地, 都在樹蔭下休息, 唔跑草地

好耐無跑草地喇.......                     

跑完幾轉都夠皮

成年幾無見的大魔頭 - 熙熙

邊個在草面滑爬

Q仔 : 呢個咪係我 law

Laughing, 永遠都咁開心的....

白兔Q      

與郎同舞

唔知佢地係邊個, 就一定以為佢地係情侶

其實係 Pee & 熙, 佢兩個今日成日拍住玩, 拍住跑, 但又時狗咬狗骨

第二批朋友仔, 遲我地個半鐘入來, 其中包括 Janet

草地對入濕地, 有間天主教堂, 好多年前, 大姨媽帶過媽咪佢地來深涌, 當時都可以行入去天主堂, 但現在已經被雜草密封了....

Porkie , 唔知有無串錯, 呵, 呵....            

因為昨日都玩左成日, 而且天氣又熱, 又怕遲走會難叫車出西貢, 我地玩到約一點, 就同其他朋友 say goodbye, 我地同Q仔及熙熙三家人先走, 慢慢行出榕樹澳....

當經過小溪, 太熱喇, 我忍唔住自己落左小溪行一轉, 爽, 爽

我地走左去水霸, 欣賞下深涌灣靚景.....

又見到成呎長海參後.....

經過來記士多食豆花同休息下, 順便 call 村車在榕樹澳接我地出市中心

回到市中心, 其他朋友仔都準備由深涌走.......

玩左兩日, 我地全家都好攰, 好早返屋企, 而我當然係洗完白白, 就大覺瞓

又要等下星期日先有街去, 但天氣預告, 當日唔會好天, 有雨有雷, 希望預告有誤, 否則我又要等到 30/10先有街去