250903護士覆診檢查

幾年無記錄, 今日係16:00到綜合模式護士診所覆診見護士, 在2樓(24號房)門外等候.

基本數據, 連衫磅重 48.6 KGS, 身高154.7CM(矮左, 助護話我可能無伸直企), 血壓 117/67, 心跳 81, 助護話幾好, 跟住返 1 號房檢查, 重新提我唔好食中成藥/補湯/涼茶/酒, 又其係保濟丸, 腸胃痛食粒必利痛, 食益生菌都得. 再解釋驗血報告, 無貧血, 驗唔到乙肝病毒, 甲胎蛋白指數係2, 其中creatinine肌酸酐高左少少(88 mmol/L), 飲多些水, 以減少腎臟負荷.

跟住做肝纖化掃描 Fibroscan, 護士好仔細檢查, 原來今次比上年高左, 佢話踩界, 所以量多好多次, 佢話有可能量度唔同位置, 有不同指數, 但無脂肪肝, 護士話食藥可以抑制病毒. 下年9月22日再見護士.

肝纖化掃描記錄:

14/11/2008 : 8.3 kPa

11/11/2010 : 10.7 kPa

21/12/2012 : 14.0 kPa

17/10/2014 : 5.4 kPa

24/12/2014 : 4.9 kPa, CAP 243 dB/M.

21/12/2016 : 6.1 kPa, CAP 216 dB/M.

27/11/2020 : 6.7 kPa, Bonderline Fibrosis (邊緣型纖維化) 係 6.1 - 9.0, 我踩界. CAP 210 dB/M , 呢個指數睇有無脂肪肝, 我在正常範圍呀.

06/10/2021 : 5.3 kPa, CAP 124 dB/M.

22/09/2022 : 4.6kPa

12/09/2023 : 4.8 kPa (印象)

26/09/2024 : 5.6kPa

06/10/2025 : 7.6 kPa 踩界, CAP 175 dB/M

 

220926媽咪覆診日

今日係15:30到綜合模式護士診所覆診見護士, 在3樓(22號房)門外等候. 

先帶我量基本數據, 連衫磅重 51.2 KGS, 身高156CM, 血壓  117/47, 心跳 81, 護士話唔錯, 跟住返 1 號房檢查, 基本又重新提我唔好食中成藥/補湯/涼茶/酒. 再解釋驗血報告, 無貧血, 驗唔到乙肝病毒, 甲胎蛋白指數係2, 其中creatinine肌酸酐高左少少( 92 mmol/L), sodium又係高左DD, 叫我飲多些水, 以減少腎臟負荷.

今次fibroscan指數係 4.6kPa, 無脂肪肝, 護士話食藥可以抑制病毒.

如果2023年3月28日覆診, 醫生認為可以, 就按以下再見由護士跟進.

2023年 8 月 30 日上午 10:00驗血, 驗 AFP, HBV DNA, ETC. 

2023年 9 月 13 日(星期三)下午 15:30 綜合模式護士診所覆診, 到徐展堂門診大樓地下7-9號窗登記俾$80, 跟住上二樓( 1 號房)門外等候. 覆診前三小時禁飲食.

220328媽咪覆診日

上年, 醫生叫我覆診前, 自費去照超聲波, 我搵返專科許醫生, 佢話我情況穩定, 唔駛半年照一次, 可以一年至年半照一次, 佢話我下次可以直接搵化驗所照, 拎政府轉介信有折扣呀, 唔駛經佢再俾多重診金, 吩咐我唔好斷藥, 唔好亂食中成藥, 今次仲收平我診金, 所以, 我知呢位醫生係好有醫德.

點知今日去廣華覆診, 就帶漏左份報告, 咁我話俾醫生知, 報告話我肝臟無大問題, 膽瘜肉係0.5 cm, 醫生話幾好, 9 月見護士時, 帶返份報告俾護士留底就得. 佢話驗血報告唔錯, 無貧血, 肝酵素係 33, 要定時食藥, 下年覆診前先照超聲波. 今次又係一俾就一年藥.

2021年 9 月 7 日上午 11:30驗血, 驗 AFP, HBV DNA, ETC.

2021年 10 月 6 日(星期三)下午 15:00 綜合模式護士診所覆診, 到徐展堂門診大樓地下7-9號窗登記俾$80, 跟住上二樓(1號房)門外等候. 覆診前三小時禁飲食.

2022年 3 月 13 日上午 11:30驗血, 驗 AFP, HBV DNA, ETC.

2022年 3 月 27 日下午 14:00覆診

211006覆診日 - 護士診所先導計劃 (肝炎)

原先今日係15:00到綜合模式護士診所覆診見護士, 20/9收到護士打來, 話當日下午有個特別安排, 想改早上, 當然無問題, 仲好呀. 

11:15AM已二樓(1號房)門外等候. 

11:45AM助護叫我名, 佢好友善呀, 帶我去21號房量基本數據.

連衫磅重 52 KGS, 身高156CM, 血壓  119/56, 心跳 69, 助護話唔錯呀, 跟住帶我返 1 號房見護士.

210329覆診日

今日14:30覆診, 好多人呀, 等到接近 3 點先見到醫生.

醫生先問有無準時食藥, 我話因早上唔方便食藥, 已經改為做晚上12 點食, 晚上10 點後就禁食, 醫生話好. 因以前無報話我打過甲型肝炎疫苗, 報返先, 仲俾埋上年底公司體檢報告俾醫院做記錄, 我話係最後一份, 以後無了.

我睇到電腦屏幕有關我的資料, 今次驗血報告, 谷丙轉氨酶(ALT/SGPT)係27, 另外有個好似寫AP, 指數係 2, 我當時醒唔起問, 唔通係甲種胎兒蛋白 ??

醫生話我指數好穩定, 決定以後半年見護士, 護士會同我做 FIBRO SCAN, 半年見醫生, 佢話寫定張紙俾我, 定時自己去照超聲波, 下次帶來. 藥就開左 52 周(即一年)到下次覆診.

2021年 9 月 7 日上午 11:30驗血, 驗 AFP, HBV DNA, ETC.

2021年 10 月 6 日(星期三)下午 15:00 綜合模式護士診所覆診, 到徐展堂門診大樓地下7-9號窗登記俾$80, 跟住上二樓(1號房)門外等候. 覆診前三小時禁飲食.

2022年 3 月 7 日上午 11:30驗血, 驗 AFP, HBV DNA, ETC.

2022年 3 月 28 日下午 14:15覆診

201127覆診日 - 護士診所先導計劃 (肝炎)

今日到專科, 唔係見醫生, 係見護士, 仲要係新症, 乜野來呢 ? 夠鐘在房外等, 又唔見有其他覆診者, 唔通搞錯 ? 

其他助護叫我拍門問有無人, 護士開門叫我等下. 4: 30PM, 終於叫我.

因為遲左, 大堂量血壓同磅重位都好收, 護士帶我去其他房做, 跟住返回22號房.

護士先問我基本資料後, 就要我做問卷, 想知我對乙肝的認識. 問卷做好, 就開始講解乙肝知識. 

200824覆診日

今日覆診, 以為好似上次咁因疫情關係而少左人, 但又唔係呀, 診症紙時間係 14:15pm, 今日都要等到將近 3點先入去見醫生.

醫生問有無準時食藥, 咁當然有啦, 否則唔食又會返來覆診拎藥咩. 而驗血報告, 谷丙轉氨酶(ALT/SGPT)回復正常, 只有28, 我話上兩次抽血前, 都有唔舒服同食藥, 佢話咁上兩次高左少少都正常. 甲種胎兒蛋白係低, 唔錯.

因我情況穩定, 所以會有所改動, 以後會半年見護士, 半年見醫生.

原來早上已印定左張覆診預約便條, 醫生話護士會幫我照超聲波同檢查. 咦, 又話乙肝症病人太多, 唔可以幫我年年照 ? 新症第一次到綜合模式護士診所係 2020年 11月27日 04:00pm, 到徐展堂門診大樓地下登記俾$80, 跟住上三樓22號房門外等.

藥就開左 32 周到下次覆診. 2021年 3 月 29 日下午 14:30覆診, 呢次會驗 HBV DNA提早四星期驗血, 時間 : 26-02-2021 11:30am.

200504覆診日

今日覆診, 疫情關係, 有些症可以唔駛見醫生, 直接配藥就得, 病人明顯少左.

因唔多人, 診症紙時間係 14:15pm, 都唔駛等好耐, 醫院都唔想大家留太久.

見醫生, 話驗血報告, 肝癌指數低, 驗唔到乙肝炎HBV DNA, 但谷丙轉氨酶(ALT/SGPT) 有65 呀, 可能有脂肪肝, 佢話香港人好普遍有, 我話我低膽固醇高喎, 佢話兩者無關, 叫我減肥 =_='. 仲話記得半年超一次超聲波.

上年 12月公司身體檢查, 最衰唔記得來, 我記得報告唔差, 肝的內形良好呀.

2020年 8 月 24 日下午 14:15覆診, 提早兩周驗血, 時間 : 10-08-2020, 唔駛驗 HBV DNA, 可以揀下午兩點後來, 好好多.

191118覆診日

又到覆診了, 已經習慣左, 無了侯群驚恐症, 唔驚又肚痛.
今日唔多人, 診症紙時間係 15:15pm, 都唔係等太耐就到我.

見醫生, 話驗血報告在正常水平, 我當然要問下啦, 谷丙轉氨酶(ALT/SGPT) 40 呀, 我覺得高呀, 可能係近呢幾個月, 狀態差左, 瞓唔好啦, 醫生話唔驚, 水平內. 乜唔係唔好過 37 咩.

半年後覆診, 下次驗埋HBV DNA.

2020年 5 月 4 日下午 14:15覆診,, 因為要驗 HBV DNA, 所以要提早一個月驗血, 時間 : 10:00 06-04-2020.

190603覆診日

今日15:00如常覆診, 因為上年公司驗身, 順便帶埋個報告俾醫院留記錄.

谷丙轉氨酶(ALT/SGPT) 係37

今次無特別安排, 24 星期後覆診, 即 18/11/2019 15:15.

04/11/2019 下午二時至四時三十分, 自由時段內到房門外排隊抽血.

181203換新藥

今次覆診, 又換左新藥, 今次係韓國藥廠 (Kolmar Korea Co. Ltd.) 的.

一盒有係 120 粒份量, 當然, 醫生開藥單, 都係俾足到下次覆診啦.

181203覆診日

今日15:00到廣華覆診, 一見醫生, 當然要問谷丙轉氨酶(ALT/SGPT) ,  今次係 34, 醫生話通常都會浮動, 唔係高, 咁多次都在正常水平, 情況穩定, 維持食藥.

佢話除左驗住ALT/SGPT, 如果病人經濟上許可, 最好半年照一次超聲波, 因為府資源少, 無咁多空檔為所有患者照超聲波. 我話過兩星期, 會去公司身體檢查, 希望下次覆診時, 記得帶報告啦.

無特別安排, 26 星期後覆診, 即 3/6/2019 15:00.

20/05/2019 下午二時至四時三十分, 自由時段內到房門外排隊抽血.

180604覆診日

今日15:00到廣華覆診, 一見醫生, 就問谷丙轉氨酶(ALT/SGPT) 有幾多, 今次係 30, 唔係高, 正常水平. 情況好, 維持食藥就得. 下次覆診前, 無特別安排.

 26 星期後覆診, 即 4/12/2018 15:00, 因為驗血穩定, 唔需要早上抽血,  可以 (20/11/2018下午二時至四時三十分) , 時段內到房門外排隊抽血, 下次要記住問 ALT/SGPT同照超聲波呀.

171211覆診日

今日15:15到廣華覆診, 一見醫生, 就問照腸鏡問題, 事關公司驗身報告出左, 大腸癌 CEA有 6 點幾, 比正常 5 度高左少少, 但大便隱血係陰性, 驗身公司竟然叫我照大腸鏡. 因為我曾經問過許醫生, 大腸內窺鏡係入侵性, 一般先驗大便, 建議驗三次為準, 發現有隱血, 先會考慮照. 點知個醫生叫我照下無妨, 真係暈.

佢話驗血報告無問題, 甲種胎兒蛋白係低, 但我唔記得問谷丙轉氨酶(ALT/SGPT) 有幾多. 雖然公司個報告係 22. 至於28/8 照腹部超聲波報告, 佢話肝無大問題, 但膽囊有粒 0.5 cm 瘜肉, 通常在 1 cm以下, 多數係良性, 除非有增大先要成個膽割除, 叫我定期半年至一年照超聲波, 但未有安排我下次囉. 

25 星期後覆診, 即 4/6/2018 15:00, 提早兩星期 (21/5/2018 10:30)驗血, 下次要記住問 ALT/SGPT同照超聲波呀.

170626莉花覆診日

早兩星期驗完血, 今日 15:00 返廣華睇報告, 今日真係準時 15:00叫我入去.

醫生話乙型肝炎表面抗原 (HBs-Ag)仍係陽性反應, 一般乙型帶菌者, 食左一段長時間藥後, 只有 1% 有機會變回有陰性反應, 但有部份變回陰性患者, 停藥後, 過一段時間又變返陽性, 因病毒可能潛在血中不活躍, 不易發現, 叫我唔好諗可以停藥, 其實我一早預左. 以前打干擾素都失敗啦.

谷丙轉氨酶(ALT/SGPT) 係 22 U/L.

甲種胎兒蛋白係低, 醫生話患癌指數機會好低.

仲提我 28/8 照腹部超聲波.

佢起初話 4 個月後覆診, 原來剛好撞正我唔得閒, 醫生話我情況穩定, 改 6 個月後覆診.

開左 24 星期藥單, 共 $20 手續費.

170306廣華覆診日

今日1;30pm到廣華覆診, 驗血結果一早知, 主要拎藥.

仲有問下可唔可以照下超聲波好驗下乙型肝炎表面抗原 (HBs-Ag).

醫生話我血液報告正常, 但醫院無做過腹部超聲波, 都係照一次做返記錄, 如果無大礙, 唔會安掛半年就照一次, 除非驗血又出現異常.

雖然乙型肝炎病毒DNA已經驗唔到, 但乙型肝炎表面抗原 (HBs-Ag)就算呈陰性反應, 都唔建議咁快停藥, 怕病毒無藥抑制會反彈. 話反正醫院有藥提供, 都係繼續食住先. 但都可以幫我驗下乙型肝炎表面抗原 (HBs-Ag).

今次開 16 星期藥, 唔係 26 星期, 唔知點定 ?

170301莉花跟進日

上年 12月21日自費肝纖化掃描, 等埋今年 2 月6 日在廣華的驗血報告, 今日一次過去許醫生度睇結果.

其實上年照肝纖化掃描時, 都知有 6.1 kPa, 當時諗, 屎啦, 比上次高左.

以前報告:
14/11/2008 : 8.3 kPa
11/11/2010 : 10.7 kPa
21/12/2012 : 14.0 kPa
17/10/2014 : 5.4 kPa
24/12/2014 : 4.9 kPa
今次 21/12/2016 : 6.1 kPa

好彩, 醫生話都係正常, 唔錯.

161221肝纖掃描

冬至, 公司提早下午三點放假, 唔駛放假去照肝纖.
兩年前都係中環萬邦行某化驗所照.
今次呢位姐姐好仔細, 照左好耐, 我問佢平均有幾多, 佢話比兩年前高左, 等醫生講解, 仲俾我睇.
見平均係 6 點幾, 我覺可以喎.

23/12下午, 診所打來, 話報告出左, 可以約見醫生, 我醒起 6/2 去廣華驗血, 仲會驗 HBV DNA, 叫姑娘問下醫生可唔可以等埋醫院報告一齊睇. 醫生話肝纖掃描報告無大問題, 可以等埋呀.

約左 1/3 (星期三) 10:30 am 見許醫生, 記低先.

161119瘤驚魂 ?

星期二晚 9 點幾, 安頓好, 坐在梳化休息, 突然大腿後方近臀部位置好痛, 仲越來越痛, 連小腿後的肌肉都覺痛. 以為唔知幾時, 又唔小心撞親. 入房一摸, 大腿後皮膚底, 摸到在肌肉生出一粒半邊蓮子大的腫粒, 按下仲痛, 附近肌肉都硬晒, 好驚呀. 用手機影張相, 係無瘀, 但似有一粒野在皮膚下突起. 臨瞓時, 腫粒又似消失, 摸唔返, 但全腳後半部都覺痛同好實. 好擔心, 會唔會係脂肪瘤 ? 因為脂肪瘤有遺傳, 婆婆生過, 家姐都有過, 細媽都有. 唔通我的係生在肌肉, 壓住神經線, 所以會痛 ?

本來想下星期先去睇醫生, 細媽昨日好早就提醒我打電話去門診預約, 佢話好睇好知乜事. 有左上次幫婆婆約門診經驗, 知程序, 一打就約到 09:05am.

昨晚, 又摸到突出少少的腫粒, 連婆婆都摸到, 佢仲想按下, 一輕按己覺痛, 諗緊, 係咪要轉介專科呢 ?

可能又出現候群症, 坐車開始, 好似呼吸困難, 到醫院附近, 心口好緊.

新症有本薄仔跟身, 以後去睇門診, 要次次帶住.

160905覆診日

又係覆診日, 預約時間係下午二時正, 今日又早十分鐘坐定定, 環顧四周, 好明顯比以前少人.

醫生準時兩點到, 陸繽叫籌號, 等左都唔夠 10 分鍾就到我.

今日係女醫生, AST係 20, 比上次 23 低. 佢話我未試過在醫院照超聲波, 打算安排我照返留記錄. 我話早幾日前, 公司驗身都剛照過, 但報告未出, 佢話如果我唔照, 下次記得帶埋公司驗身超聲波記錄, 咁我都照完, 費時又浪費個位, 俾其他有需要人士先啦. 事後, 自己諗, 會唔會笨左 XD

下次又係 26星期後, 即 06-03-2017 13:30pm.

26 星期藥, 又係兩個藥單位 , $20