180324洛蘇大細妹在塔門

講左一排話一齊去塔門, 仲要帶埋大細妹呀, 今日天氣唔錯, 出發.

170304東龍島洛遊悠

因為避免腳仔整污糟, 所以, 改為今星期為生日周, 今日去東龍島, 輕鬆走走.

160227東龍島的生日前夕

今星期日, 就係我 11歲生日, 星期六, 當然有好安排. 大細媽昨日同時都想到東龍島, 而且知會間中有陽光, 又吹和緩 2 - 3 級東北風, 天氣相信唔錯, 一於決定.

160109八度澳東古道

又摸黑起來, 搭到 0750車, 轉左兩次車, 我都好似如在夢中.

151128大東山落南山

三月下旬上鳳凰山, 婆婆上山途中遙望對面山嶺, 佢話想再上一次大東山. 一於今日達成佢心願, 在婆婆77歲前, 我11歲前, 三度上大東山.

150328鳳凰徑第九段石壁往水口

又晨咁早起身, 仲咁早來石壁水塘, 去邊呀 ?

原來上年, 大細媽睇電視, 見Yama Girl 介紹呢段路, 其實媽咪好多年前都有諗過, 但怕中途車走時無位坐, 見細媽想試下, 安掛左咁來, 一於未太熱時成行.

150321三度上鳳凰山,

一直以來, 媽咪都諗, 我同婆婆會唔會再上鳳凰山, 因為遲些踏入夏季, 再年紀稍大, 都唔適宜行.

事前做足功課, 雖然市區好熱, 但昂平及山上一帶, 因仍在春季, 唔會太乾燥, 唔會太濕, 溫度比市區低幾度, 加上有東北季候風來, 唔太熱, 唔太凍, 係好時機, 下星期或打後, 夏季來, 無機會了, 想多行一次都難安排.  

兩次都行 6 小時, 今日由 8:30am起步, 希望保持紀錄.

150314東澳古道

上星期, 媽咪睇報紙提起東澳古道, 想起係差不多時間, 襯天氣唔錯, 來次長征.

今次係第七次行, 但上次由大澳, 都未到深屈村時, 掛起黃雨及雷暴警報, 雷聲隆隆及大雨下, 折返回大澳, 都可以唔當一次.

141213龍仔梧園萬丈布大澳

梧園係媽咪一直想帶我地再去的地方, 我仲細時, 曾跟大姨媽一家, 由東涌行上昂平, 再沿昂平路, 深屈道, 羌山道, 行無行人路車路來到羌山引水道, 大姨媽話近些, 唔駛兜入山徑, 果次都幾驚.

早前睇電視, 又觸起大細媽想再去梧園同未去過的萬丈布, 大姨媽又有興趣, 約埋今日成行.

今次直接來到羌山引水道, 又係羌山郊遊徑起步點.

起步大合照.

140504四色雨在塔門

雖然有雨, 但我地照出動, 因為約左朋友仔, 又唔係狂風雷雨, 唔太影響.

原本大家打算在黃石等拉搭 9:30am 班船, 媽咪同二位姨姨昨日用 whatsapp再約實, 佢同另一個姨姨都認為改坐 8:30am, 我地傻傻下早入來, 點知齊齊誤會, 其實係坐返 9:30am 
好彩我地早入, 碼頭外私家車位泊滿晒, 叫姨姨改泊北潭涌, 唔好搏食牛肉乾.

140412彌勒山郊遊徑+法門古道

又來大嶼山, 唔通大細媽愛上離島 @.@
本來上年10月, 計劃左行彌勒山郊遊徑, 點知婆婆臨時點燈, 在鳳凰朝日, 改行石壁郊遊徑.
媽咪知今日會熱, 但呢段徑後段多樹蔭, 婆婆步速都係三個鐘, 行完一圈, 如果攰又熱, 咪回昂坪坐車走, 夠力氣咪行法門古道回東涌o羅.
坐左兩個鐘車, 真係坐到呆晒.

一落地行, 我已經由心笑出來.

140406大澳素食團

嘩, 媽咪, 又朝早入來大澳, 唔怕落雨咩?

哦, 原來係迪蘇媽同噹媽知我地兩次都摸門釘, 佢地又食過番尋味, 約我地行東大古道, 再在大澳食素, 但天氣不穩, 取消行山活動, 分頭入大澳匯合.

140329黃雨雷暴腰斬東大古道行

天文台預計今日有一兩陣驟雨, 大細媽心大心細, 同唔同我出去玩.

諗住行石屎路, 大欖定東大好呢?

大細媽見迪蘇上星期日, 順利由東涌行去大澳, 沙螺灣無封村, 一於又搏下玩半日, 希望下午先有雨, 最多後段就由細媽愛的抱抱.

我地到東涌時, 見剛掛上雷暴警告, 當時都諗打消念頭, 但媽咪上網, 見雨落在大欖一帶, 一於照行.

140315大澳虎山閒遊

上星期, 媽咪早打算來大澳, 因為佢想帶細媽及婆婆食齋.

咁唔係單為左食, 我地次次來大澳, 多數因為行東大古道, 但上年尾, 沙螺灣封村, 來大澳, 就要改變下行程, 第一站先去大澳舊警署.

131214塔門高流灣美食團

好耐無坐船, 究竟我地去邊呢 ?

131130再戰鳳凰山

牛牛 : 又見老弱殘兵一條 Dog o係伯公坳出現 ge

上星期預左, 今日天氣必定好, 最多係凍少少o者, 我地為實踐在2013年底前, 等婆婆在75歲前, 在明亮眼睛下, 放眼世界, 再完成全港三大高峰, 再戰海拔 934米的鳳凰山

第一次挑戰, 在東北季候風下, 又凍又吹到傻, 步履不穩

120331東北季候風下攀 934 M 鳳凰山

http://faphylok.blogspot.hk/2012/03/120331-934-m.html

131116上大東二東落黃龍坑 Part 2 of 2

媽咪知道黃龍坑郊遊徑係由雙東坳二東山高地 690 米, 急降至 80 米谷地, 又睇過其他行山者的影片, 知道條路係點, 只要唔揀雨後及潮濕日子, 在乾燥天氣, 慢慢一步一步落, 相信婆婆可以應付到. 

131116上大東二東落黃龍坑 Part 1 of 2

當婆婆雙眼重見光明, 媽咪已經密謀再帶婆婆再看看以前錯過了的美景.

想看靚景, 必定擇定適合日子同天氣.

上星期六已經完成逆行麥理浩徑第八段, 上左大帽山看芒草.

今星期有毅行者, 所以決定今日上大東山睇漫山芒草, 再挑戰落黃龍坑郊遊徑.

大東山二東山芒芒世界

每年芒草會在10-11月盛放, 今年難得遇到好天, 始終用肉眼更能感受芒芒世界, 但還是用相機影下, 用作回味都好. 

131019石壁郊遊徑

晨咁早出門, 搭了兩程車上來, 9 點唔夠到昂平, 唔係來參觀大佛呀.