100905黃雨後赤徑

成日去大水坑又真係幾悶o架, 已經入秋, 大細媽都心思思想行山

點知竟然七點幾掛起黃雨同雷暴警告, 搞到媽咪即刻上網睇, 原來重災區係香港西南面, 即港島同離島一帶, 西貢係 0 mm

來到西貢, 細媽話個天穿左個洞, 好好天呀

所以今日帶埋阿妹行山

佢真係自己行山, 一步一步, 好叻女
因為佢仲細, 於是細媽要拖實佢, 驚佢四圍走, 蕩失路

行行下, 細媽見有朵假蘋婆果, 仲係五星呀, 所以媽咪叫我同阿妹一齊影相....

點知阿妹企唔穩, 自己跌落地, 唔關我事o架

阿妹 : 我唔同阿哥影, 我唔想又跌屎呀

阿妹, 咁一齊坐地, 咪唔會再有意外 o羅

個天真係好晴朗.......

我今日變左四眼仔呀, 當我飲水時, 仲有另外兩隻眼睛監測四周環境, 唔怕有危險

仲有, 媽咪發現有樹掛

媽咪 : 仲好講, 你又走入去鑽草探險, 搞到髮夾唔見左, 要媽咪周地搵, 想放棄時, 竟然見個夾在樹枝上, 激屎媽咪就真

到赤徑村附近有條小溪, 我上年暑假就係o係呢度渡過

但據聞赤徑村已經買俾地產商, 咁靚小河, 唔知會唔會似四疊潭咁, 受污染呢

好曬呀.....       

大細媽話, 如果迪奇同蘇菲都來, 佢兩個一定開心屎, 因為今日有好多牛鰍, 花蟹, 石班, 泥猛, 撻沙, 連海鰻都有

赤徑真係好靚o架, 希望佢唔被無良人破壞

阿妹, 呢度咁靚, 你都要行下, 欣賞下上天送俾我地的美麗大自然

阿妹仲有帶埋佢六部專用飛機來大曬冷

阿妹, 下次我地坐飛機去第度玩 o羅

阿妹 : 咁等我幫飛機入滿油, 等佢快高長大, 咁先可以載客o架

飛機仔 : 唉, 呢兩個白痴兄妹, 大家可以唔屎埋佢地o架

我地今日 8 點 8左右到北潭坳, 11點半到赤徑碼頭, 天氣熱, 真係夠, 坐船回黃石碼頭再轉的士回西貢市中心, 細媽又請媽咪食生日大餐

仲係媽咪最鍾意的日本食物

睇媽咪捧起佢碗魚生飯, 滿足掛滿面, 其實黃家女人真係好簡單, 好易滿足o架