100103荃錦清段

昨晚落雨, 打定輸數, 成地都濕漉漉, 媽咪都好攰, 所以諗住今早瞓夠先再打算

點知一早藍天白雲, 太陽伯伯一早開工, 細媽就用掃把剷起媽咪

其實雨後, 都無嘜地方好行, 行泥地一定變泥狗, 所以我地得 A或B線

細媽諗住今晚早回家煮飯, 決定行 B線

昨日無準備早餐, 所以佢地要在荃灣買早午餐, 我地到荃錦坳都成 11點, 你地睇我, 其實未瞓醒  (荃灣至荃錦坳 : $66)

細媽要食早餐, 我惟有在私家車繼續坐............

我地今次由麥徑第9段起步, 唔行自然教育徑, 你地睇成地都仲係好濕, 而且氣溫仲好涼, 大細媽後悔信錯天文台, 全日未試過所謂最高有 19度

媽咪怕我玩到成身濕泥, 會凍親, 今日唔俾入直昇機坪

一路行, 一路濕, 細媽以為今日會暖, 叫媽咪唔屎帶褸, 得一件T-shirt, 媽咪怕濕埋無衫著, 話留返再凍先穿

明明一早藍天, 但我地落樓時, 太陽伯伯已經收工, 好厚雲......

但今日無昨日咁濃霧, 仲可以睇到錦田平原......

好彩唔係段段路都濕, 間中都有乾爽車路.....

望過去, 仲可以見荃青一帶, 希望唔會落雨啦........

我地唔去蓮花山, 靠右繼續麥徑.....

今日揀晒車路, 無陽光勁曬, 唔難行, 只係大細媽著錯單薄外衣, 個身寒冷咋

今日午餐係外賣香蕉蛋糕, 細媽見無嘜油, 分左少少俾我食

到M166-M167之間交匯位, 我地轉去青龍頭, 因為去田夫仔, 就一定要行泥路先可以到清快塘......    

呢段比較開揚, 全段車路好乾爽......

我地見好多含苞吊鐘花, 今個月內一定要去西貢賞花先得......

到轉入清快塘位.......

雖然雲層仍然好厚, 但雲層好高, 應該唔會落雨.....

又係為食相.....

媽咪, 今日都望到青馬大橋呀.........

三日新年假又完結, 細媽話要等下個月先有長假, 好彩佢今個月一共請左兩個星期六, 即係今個月, 仲有兩次孖日去街街