080518馬鞍山郊遊徑+鹿巢山獨木舟石

呵呵, 今日又行新地方, 今次去馬鞍山郊遊徑ar

媽咪睇漁護署網頁, 可以由恆安村坐村車或行30分鐘上起步點, 咁30分鐘唔多吖, 行上去都應該唔難ge, 但係沿馬鞍山村路行, 我一定要帶繩ga, 因為間中有的士或私家車上落ga

沿途都有經過舊礦場遺址, 但都圍晒鐵網, 只可近睇一部份咋

又話30分鐘就到, 但一路暗斜上, 我地開始後悔ar, 早知坐的士喇

最終都行左個幾鐘先到ar

到左馬鞍山郊遊公園燒烤場, 就係郊遊徑起步點.

哎呀, 仲唔可以自由行ar

間中仲有防風洞喎.

見呢個牌, 即係車路好快完喇.

嘻嘻

I am freedom

但又開始行石級, 一路攀上昂平, 要行下休息下ga.

Yeah, 終於到昂平高原.

在涼亭旁後, 有條小徑上鹿巢山, 但媽咪唔記得, 行到好遠先睇地圖, 覺得唔妥, 好彩有得問人, 先知過左位呀, 累我同婆婆都要返轉頭

我身後就係鹿巢山.

山上好多奇形怪狀ge大石.

今日好大霧, 馬鞍山一d 都唔清楚ar.

似人嗎??

上到山, 望落昂坪, 好大ar.

大地在我腳下.

, 我地上獨木舟泛舟山上


婆婆好勁, 自己搵到舊大石, 好似騎馬wor.

玩完獨木舟同騎馬仔, 我地繼續行程, 高原有個營地, 我一歲時來過, 所以媽咪無打算行過去玩. 到左此段徑觀景點, 本應風景好靚ga, 可惜好濃霧, 馬鞍山及西貢都一遍濛濛lor.

其實昂平一帶都有好多團體植樹計劃區, 以前媽咪/婆婆加大姨媽一家都來過植樹同施肥割草, o依家佢地種o個區ge相思樹都好茂盛生長, 希望行山人仕愛惜大自然, 唔好留下火種呀.

到大水并, 可以選擇沿麥徑4段行去大老山基維爾營地ga. 咁我地僅係跟返郊遊徑落山啦.

下坡路, 初段都唔太難行.

但稍後都係大石斜坡, 要留神呀.

終於到達終點: 北港坳, 因為要再經過附近多條村屋 - 黃竹山新村、茅坪新村及石龍仔新村等, 比較多村狗, 細媽當然手抱我經過, 行多10多分鐘去坐小巴往西貢墟去食Tea ar