2022年11月19日

221119大欖隧道轉車站往愛定主場

我地有目的想去屯門, 於是計劃連埋行山一齊, 想起坐巴士在大欖隧道轉車站起步, 咪可以沿麥理浩徑去屯門囉. 我地成 8 年無行呢度, 對上一次就係 22-11-2014, 剛好 8 年. 入山徑路都改左, 要    搵返.

2022年11月5日

221105重臨大水坑引水道

今星期都會可能有雨, 簡單D, 行下石屎路, 咁就帶細細妹來, 佢出得街最少. 佢太細, 戴唔到阿哥頂帽, 家洛, 今日由大媽負責照顧你.

2022年10月30日

221030姜濤灣之旅

婆婆腳損, 好耐無出外, 見佢傷口埋得唔差, 行路可以, 今早同佢去附近豪宅食早餐. 年幾無來, 連餐廳都轉左, 但仍有幾個姐姐識, 走來同我地講好耐無見.

2022年10月29日

221029廣源往東洋山

 入秋, 芒草盛開, 近近地, 東洋山都有, 適合我地久休人士行. 家洛, 上細媽號私家車, 出發上山喇.

2022年10月22日

221022入秋大妹首步禮

未踏入9月, 已經同家洛講, 入秋又涼, 我地就三母子一齊郊遊, 家洛坐細媽號, 去最方便的深井行. 可惜, 現在已無法實現. 今日由大妹代替阿哥, 太陽帽隨行.

2022年10月15日

家洛小天使

今日係家洛回天家的第18日, 我地都習慣了. 細媽話昨晚夢到好多長毛狗狗, 就係見唔到家洛.

家洛, 你係咪忙緊修練呀 ?


2022年10月7日

221007至愛雪糕

昨晚, 姐姐代我地問家洛你想大細媽為你做乜野事, 姐姐感應到係一杯雪糕, 你話好鍾意食, 凍凍地, 好好味, 我地放雪糕靠近你鼻子, 你就會收到. 大細媽知你至愛 Dreyers芒果雪糕, 以前都一年一齊分享食幾次. 因為怕你會肚痾, 今年夏季都無買俾你食. 知道你鍾意, 細媽今晚收工即買. 我地又圍住一齊食.