110516給寶貝兒子的話

今天是你踏進我家的第6個年頭. 媽媽真是很多謝你在這6個年頭裡, 帶給我們無限的歡樂回憶

如果不是你的帶動, 媽媽都沒有那份毅力, 帶你同婆婆四處去行山

回想你由一團小黑毛BB, 長成到現在的大隻B, 實在令我們感到欣悅

雖然你不是什麼名種犬, 身形肥大, 不是人見人愛, 脾氣又差 但是媽媽就是喜歡你,  無法理解

媽媽唔可以供給你錦衣玉食, 洋樓名車, 要你過窮孩子生活. 但我地會盡量用有限的資源來供給你無限的生活

希望往後十數載你都可以陪伴媽媽同婆婆走過香港各地, 媽媽都會陪伴你走過你的狗生

                                                                                                                   大細媽字

超能預知獎勵

細媽 : 洛B, 為報答你對大媽咪報命之恩, 我一於整超節能大餐, 就係薯仔青豆蓉蛋卷俾你 

洛B : o下, 好齋呀, 加多少少得唔得  

細媽 : 咁就加多隻大粽啦

先知洛

細媽 : 大媽今日有輕微肚痾, 出門前, 佢食左樽保濟丸打底

我地在城門河 hea完, 食埋飯, 洛B入返袋, 因為知道市中心一定多人搭巴士, 所以打算行去總站搭車, 洛B就好乖在袋中

當去到平台, 仲欠幾步路就落車站, 洛B突然堅持在袋內企立, 點都唔肯躺下起, 我點安撫洛B都唔肯坐下, 一上車就俾人知啦, 咁點搭車呀

唉, 無法子, 惟有坐的士返屋企啦

在的士上, 大媽開始有少少搞肚子, 一落車, 大媽就要飛奔回家

大媽 : 好彩趕得切入屋, 否則遲幾秒都唔知乜野後果

先知"洛" : 如果唔係我有第六感, 堅持要你地改搭的士, 你地話後果幾嚴重呢

110515與叻閒遊城門河畔

今早雨粉粉, 加上媽咪肚仔又少少不妥, 都唔敢出去行

但成個上午都似唔會落大雨, 一於去 Hea 下

我地入火炭, 搵埋叻叻一齊閒遊城門河畔......

又忙實習

細媽, 你o係度做乜, 返來屋企, 唔同我玩

細媽 : 細媽想熟練包粽子技巧, 反正都去行完城門河啦, 你咪去休息, 唔好阻我啦

110514偷天換逸

昨晚又半夜落雨, 細媽預左呢兩日都唔會有街去, 細媽俾我同媽咪瞓到成10點

但今早天氣又唔太差, 細媽話偷下雞, 搏下可唔可以行一陣

110510浴佛下水禮

聽講今日係浴佛節, 我都唔明係慶祝乜野, 只知昨晚媽咪話今日去街,
今日會有成30幾度, 我咪 6點就morning call 細媽起身勞動, 咪可以早出發 lor

我地 9點就來到東霸, 太陽已經升到好高....

110508母親節 - 勞役◎無親

母親節係慶祝乜野.....我唔明o架, 我只知係逢星期日, 除非唔好天又落雨, 我地一定同婆婆出去玩, 即係乜野節都無所謂啦 

據報今日又係會有成 31 度, 為免熱屎洛, 我地一於早早出發, 但的士在假日唔可以上到燒烤場, 我地惟有在小巴站起步, 出發都未夠 8 點