黑芝麻豆奶小雪紡蛋糕

細媽因為買左黑芝麻粉同豆奶, 今日又無出街街, 一於準備蛋糕, 當明天行山午餐時食
材料:
蛋 3隻, 糖 40g, 橄欖油 40g, 低筋麵粉 55g, 黑芝麻粉 25g, 無糖豆奶 50g,
泡打粉 1/4茶匙
做法:
1) 先用170度預熱焗爐
2) 蛋分開白與黃, 蛋白暫放雪櫃防變暖
3) 先用1/3糖加入蛋黃打至微黃色, 再加豆奶、橄欖油拌勻
4) 將蛋白打至起泡後, 將另2/3 糖分幾次加入繼續打至企身
5) 將蛋黃糊倒入蛋白, 以輕手切伴法混合拌勻
6) 把已篩過的麵粉/泡打粉, 用切伴法加入蛋黃糊裡攪勻
7) 倒入蛋糕小紙模內, 放7-8成滿
8) 輕輕拍數下將蛋糕糊內的空氣拍出, 入爐以170度焗約20分鐘, 出爐倒扣即成

起初媽咪以為係黑蜢蜢, 但拌好時是係奶灰色來o架

090516平淡渡周年

本來今日大細媽安排左, 等細媽收工, 下午同我去彭福慶祝周年日, 可惜落毛毛細雨

, 惟有又呆在家中渡過啦

090516進駐黃家四周年

霎眼間, 今日是傻小子進駐黃家四周年, 想四年前的今日, 在金魚街見到一黑毛團在籠中, 當店員抱出交我同細媽懷中, 已經捨不得留下呢團黑毛B

雖然知你生命應比大細媽短暫, 但我相信, 我們還有十來年共渡

黃家洛, 我同細媽會好好珍惜及愛鍚你

黑芝麻豆乳布丁

牛奶布丁整過, 細媽嘗試再整另一款味道
黑芝麻別名稱烏麻子、巨勝子、胡麻仁。性平，味甘，歸肝、腎、大腸經。具有補肝腎、益精血、潤腸燥之功效。現代醫學研究證明，黑芝麻含脂肪、蛋白質、葉酸、甾醇、芝麻素、芝麻酚、維生素E、糖類、卵磷脂和較多鈣等，具有抗衰老作用，可抑制體內“自由基”對抗動脈粥樣硬化，降低血膽固醇，增加血細胞容積等。適用於頭暈眼花、耳鳴、耳聾、鬚髮早白、病後脫髮、腸燥便秘等症。
材料（6-7小杯份量）： 黑芝麻粉 90g、無糖豆奶 672ml、低脂淡忌廉 200g、糖 30克(或隨個人口味加減)、魚膠片 11g。
整法：
1. 細媽愛用隔水法, 坐熱豆奶；
2. 加入魚膠片至溶；
3. 再加入黑芝麻粉, 加蓋焗3-5分鐘, 加糖至溶內；
4. 倒入杯內放涼, 放入雪櫃凝固即成。

其實可以用篩隔芝麻渣, 咁布丁會比較幼滑, 但細媽拎個篩係細孔, 所以無做呢part, 咁保留返芝麻纖維, 雖然會口感粗糙了, 但更有食療作用呀 

實幹型

近來成日在 Facebook, 見好多人玩用生日日期測性格, 我又貪得意玩
出來結果, 準確度都好似幾高喎
實幹型
性格解構：這類型的女子通常都較為溫和穩重，腳踏實地。由於冷靜謹慎，所以更細微的環節她都能夠兼顧得到。誠實認真，責任心強，處理事情極有條理，自然容易贏得別人信任。耐力韌性也一樣驚人，富有戰勝重重困難的莫大力量。無疑的她不論對待任何人，都能夠表現得親切大方，但偶然間的太過自我中心，會令她無法與其他人協調。其實，她輕易受到別人的影響本來是個優點，但過分堅持自己的一套做法，就會變得固執。
建議：想吸引她注意，你適宜穿得穩重，襯衫西褲最穩當。由於她對任何細微的環節都察覺得到，所以你對她亦要表現出特別細心， 向她坦誠，就肯定會贏得信任。

當然,有些未必100%準, 好似：

1) 處理事情極有條理，自然容易贏得別人信任。 - 並非一定得人信任, 但我盡我本能,有無人認同或信任,隨緣了
2) 無疑的她不論對待任何人，都能夠表現得親切大方。 - 唔覺得自己大方得體, 怪獸幫我睇紫微斗數, 因為我唔太懂表演自己意思, 成日令人誤會呀
3) 想吸引她注意，你適宜穿得穩重，襯衫西褲最穩當。 - 喂, 我愛冰淇淋, 你地著 deep V 好d 喎
其實呢D玩意, 玩下無妨, 都係按生日日子來幫你測, 一個月最多得31日, 無可能得31種性格咁少, 人性變幻莫測, 會隨人生經歷有所改變, 隨遇而安啦

各懷鬼胎的超時工作

準時收工，不代表懶惰；
天天OT，不代表勤奮。

朋友們，你屬於以上其一嗎？
金融海嘯下，很多人掉了工作或減薪，好好珍惜同堅守你的工作崗位呀

母親節快樂 ^^

今日母親節, 我地無在外食母親節大餐, 只在西貢市內的戶外茶餐廳食炒粉麵, 當回家時, 婆婆其實都有點失望o架

回家整頓後, 細媽整完餅仔, 又要趕工整蛋糕, 因為屋企有兩隻梅花點熟香蕉, 細媽當然係唔可以放過佢啦  

吞拿魚芝士花花餅

今日比平時更早回家, 細媽又趕快整少少餅仔比同事, 佢今次用花花餅模, 再加粒芝士做花芯, 好靚靚呀 

好彩我都食左幾塊jack