121216上窰郊遊徑+家樂徑打孖行

昨日行左十幾公里, 大舅父又約了婆婆食晚餐, 婆婆於是留家休息兼等大舅父電話, 而我就同大細媽玩半日

121215城門上草山下大埔滘

天氣變幻無常, 又話有幾陣雨變了多雲同間中有陽光, 呢D天氣, 行山一流
本來媽咪計劃了行新線, 但又身體狀態不佳, 都係行下方便路

121209幸福天梯 - 港島徑第五段

今早又坐車過海喇, 咁好天, 僅係無又中途要轉場落車啦
早排播完"天梯"後, 媽咪又睇埋報紙, 心又再癢癢

121208臨時轉場

昨日天氣預告, 今日係一個大太陽, 大致天晴, 媽咪計劃左帶我地行一條新路
點知朝早又落雨, 行新路僅係唔得啦, 細媽睇電視, 知稍後天晴, 就俾媽咪多瞓一陣, 等地面乾爽點, 改去香港島行步道 
當我地上左車無耐, 又突然落雨, 望去對面港島竟然消失了
咁點好, 如果照上陽明山莊, 一定又凍又大風又濕, 媽咪怕我同婆婆凍同滑倒, 於是立刻改在土瓜灣落車, 去食個豐富早餐先算 
我當然繼續乖乖在袋等, 仲聽到佢地商量, 改返去行城門河畔一定無問題 

陪著我走

又快到年尾, 明年2月尾, 我就 8 歲
好開心係呢咁多年來, 除非遇著下雨, 每逢假日, 大細媽必定帶我同婆婆出外,

行山也好, 行行城門河畔也好, 閒逛家四周也好,
我必定跟著大細媽步伐,

很多人問大細媽 : 你地唔怕狗仔走失咩 ?
大細媽好自信地答 : 我地唔怕, 因為佢行遠行快了, 一定會走回頭來搵返我地!

佢地講得無錯, 因為我心中只有她們,
就算我點好奇四處探索, 我都要佢地在我視線範圍內,
而且佢地承諾, 佢地會陪著我走 

121202微雨下的快樂行

今日又係有微雨令地都濕了, 細媽見弱兵媽咪仲未好返晒, 就叫佢起身食早餐後再瞓過....
媽咪瞓瞓下, 突然跳起望出街外, 見地都乾了, 就急急腳一齊換衫出發去西貢....
但當我地行去屋企附近的小巴站, 竟然唔見左個站頭牌, 連平時在站頭點車的哥哥都唔見左....
好徬徨下, 惟有又行成 15-20分鐘路程去采頤坐專線小巴, 細媽仲隱約聽到話條線好似摺左
我地上星期六仲搭返屋企樓下, 咁以後就無咁方便喇

芝士粟米包

有左麵包機後, 細媽除左每晚預整方包外, 有時間的話, 佢都會整下有餡包當早餐

121201梅子林城門河畔

又似初春的初冬, 幾星期都天陰陰, 昨日細媽問媽咪今日點安排, 媽咪話天曉得咩
咪又係瞓醒睇天o羅
細媽早起身, 一直在等, 見地面乾了, 又叫我同媽咪, 行山就唔得喇, 行下單車路都得o既