2011年9月12日

中秋團圓快樂





雖然不在身旁, 但在地球的同一天空下, 大家都舉頭望向同一個月光光. 感覺就好似近在咫尺, 暖在心窩.

祝各位中秋團圓快樂

2011年9月11日

110911大快樂快餐系列之漢堡意粉



星期日去街, 夜晚都唔會有特餐食.....
但細媽將屋企僅有的物資, 整個快餐俾我食

洛家靈異事件簿



月光光, 心慌慌, 過左農曆七月........我洛B都仲有野講.

話說上星期日, 細媽收完衫後, 打算將大媽D衫放番係大媽間房時, 就突然發現, 床架上有D野, 再睇真D時, 發現是些手掌痕跡. 再留心望下, 原來有5個排列整齊成八字及入字形的手印.

110911風雨不改但又天各一方


二表姊同大姨丈去左四川參加國際野外定向比賽, 得返大表姊同大姨媽在家, 大表姊昨晚打電話來, 相約今早一齊出來Hea
半夜又雨, 起身雷暴警告, 但大姨媽佢地話佢住果邊出太陽, 一於風雨不改
但點解仲未見佢地o既
原來大表姊擺烏龍, 以為又係行獅子山, 同大姨媽講在翠竹花園獅子山公園等.....
明明媽咪話在博康村行上去的, 我地天各一方, 點好
好彩現在通訊方便, 有電話聯絡, 惟有各自各行去士多匯合


話左婆婆行得慢, 大姨媽話佢地拉長時間行.......
原來佢地最後係上回歸亭, 再接麥徑來ga....

2011年9月10日

2011年9月7日

心中小天使


早前有統計指出每個區的快樂指數. 富有區未必是最快樂, 而悲情城市亦未必是最失落.
每個人都有佢地自己的快樂泉源. 我地的快樂泉源就係小洛B. 佢係我地心中的小天使.
放工回家看到他的甜美笑面, 一天的辛勞就會全消.



2011年9月6日

祝我生日快樂


今日係自己日, 放自己一天假
細媽早在星期日, 已為我整了一個愛心藍莓醬凍餅給我, 提早搞了個小型生日會, 超級好味