2011年9月6日

手信


婷婷姐姐每次去旅行, 都會買手信畀我ka
今次去台灣都唔例外
你地睇, 今次係南瓜雞肉. 係買飛佛呀

2011年9月4日

週日又係快餐日




細媽 : 見大媽好似好忙, 等細媽又快快手整快餐俾你啦, 今晚整另一款快餐
洛洛 : 咪同上星期日一樣
細媽 : 今次唔同, 因為用螺絲粉, 係學生餐來ga

110904潮玩慈沙


一起身, 好似就轉眼來到水泉澳慈沙古道, 其實我地今早等左好耐的士先來到咋.......

仲要係明明有兩部空載的士靠埋來, 又飛快駛走, 昨晚在排頭村的士站又係咁, 埋站飛速駛走, 唔通怕左我, 定係見媽咪寒酸無錢俾, 只係遞紙仔叫司機大佬去社署收的士錢呢

2011年9月3日

110903又夜遊行


天黑黑, 但風涼涼, 晚上夜遊真舒服, 其實我今日出左三次街街, 第一次陪媽咪食早餐同在家樓下行早操, 第二次幫細媽送貨去地鐵站, 第三次送貨來火炭, 同朋友仔話別, 我地又夜遊城門河畔, 今次行另一邊, 感覺又唔同, 仲見彎彎月亮添呀

又變工場

(第一批)
中秋快至, 為能預早趕及節日前, 為小朋友送上過節禮品, 細媽安排今日放一天假, 朝早 7 點起身就開工, 其中因前MiniCooper媽訂左兩打, 收工來自取, 又希望能在三點前, 做好晒包裝好, 第一批在黃昏未日落前送貨, 細媽密密做, 又洗又蒸又切又壓又搓, 但佢高估左自己能力, 只能趕到兩款口味俾前MiniCooper媽, 由我同媽咪幫手送往地鐵站


2011年9月1日

亮閃閃, 常歡笑

洛洛一向都唔鍾意食粒粒糧, 但唔知點解, 自從轉左全home made後, 反而唔太抗拒. 重可以當零食添. 哈哈…可能物以稀為貴, 又或者佢真係好唔鍾意食舊嗰隻牌子嘅糧啦. 婆婆下午會畀一匙仔粒粒糧佢食. 佢都可以食晒ka.

2011年8月30日

臭到我想嘔

.IMG_2926
上星期六早上, 我食完早餐無幾耐, 就嘔嘔呀, 當時我好驚驚, 等細媽清理完, 個心先定D, 跟住無耐就同婆婆玩扯波波同拋波波添. 等到大媽回來仲去行街街.

夜晚, 細媽就同大媽講起我今朝嘔的情況, 佢話我食完早餐就去Poo Poo, 細媽跟手就去清潔時, 我八卦聞了兩聞D Poo Poo. 即時嘔返D早餐出來. 當其時電視係播緊林欣彤)唱"洗澡".

細媽講到我聞完Poo Poo就嘔嗰句時, 林欣彤咁就o岩唱嗰句歌詞 – "臭到令人嘔吐 無言地控訴", 大媽即時笑到肚痛呀, 佢真係好衰ka, 安慰一句都無聲!!

大媽: 唔好意思, 我真係忍唔住丫麻. 其實大細媽見你嘔完就精神爽利, 都唔似有病. 咪唔太擔心囉!! 先會笑左出來ge

2011年8月29日

抗通漲快餐


聽講窮孩子嘅富豪飯堂係嗰D連鎖快餐店喎, 我洛B僅係唔執輸啦!! 叫細媽幫我整個大快樂快餐試試. 學人做下富孩子先.
呢個就係我嘅大快樂快餐 - 茄醬肉碎飯 – 買相都OK啦, 至於味道如何, 等我試下先.