謝謝你 ^^

熟悉我的姊姊哥哥, 都知我唔鍾意困在一空間, 甚至停留在同一地方太耐, 否則會愁爆或吠爆, 當然除了屋企及行山係例外

110814炎夏之選

炎炎夏日, 最好係去玩水, 但對我來講, 玩水勝地唔係沙灘, 而係小溪邊

110813避暑夜遊

雖然今日又係大細媽短週, 但我除左一早去玩水, 都唔知咁熱天氣, 可以去邊, 怕熱到中暑就唔好啦, 佢地又唔想我一連兩日沖涼, 今早咪同媽咪瞓晏D, 等媽咪久多點休息....

 

我係雞定狗呀 ?

  

洛B: 媽咪我係邊年出世KA

媽咪: 你係2005年, 係雞年呀!!

洛B: 我係雞年出世, 唔怪之得我咁鍾意食雞雞啦.


媽咪: 但係你都鍾意食羊同牛喎. 唔通你又係羊年同牛年出世咩.

特餐

細媽 : 昨晚夜返左, 無時間, 要你食常餐, 今日早返, 就做返特餐俾你啦, 係鮮茄肉丸呀

110807慈沙晨操

今早起身好熱, 又話會有驟雨, 望天又唔覺lor

熱到傻, 媽咪佢地都費時諗去其他地方玩

110806七夕夜...婆婆 72 生辰夜 ^^

今日七夕, 又係婆婆 72歲生日呀, 我地全部人去大姨媽家, 同婆婆慶祝生日

一失足成千古恨

見雅烏話稍後轉新平台, 我諗住等佢自動過台lor, 見相簿咁多相, 諗住每次寫完 Blog, 就將相刪除, 我星期三先為意有個垃圾筒, 以為在垃圾筒內的相是沒有用, 就把垃圾筒內所有相清理, 等轉新版時, 唔屎拖太多野, 令時間長.......
近排都忙到屎, 一路開工, 一路清理垃圾筒, 都無再refresh 睇下個Blog

點知細媽星期四中午上網睇, 發現 d Blog 無晒相, 變晒"暫時未能瀏覽圖片"

星期五早, 回公司開貓, 先知細媽話唔見晒 d 相, 才發現 blog內的相是有相連.

無法啦, 咪上返 Flicker網, 一張一張入返啦

仲出埋貓, 問下雅烏服務部,有無方法還原 d 相

查詢：

8、您所遇到的問題： 我每次寫完blog, 就將相刪除, 我以為在垃圾筒內的相是沒有用, 日前誤把垃圾筒內所有相清理. 先發現 blog
內的相是有相連.
9、正進行的步驟及錯誤訊息： 有方法回復所有刪除的相嗎 ?
您好，

多謝您的來信。


關於您就恢復相片的問題，很抱歉，當您把垃圾桶內的相片移除，則有關圖片將無法恢復。而根據目前Blog系統設計，如果您從相簿中把圖片刪除，您加入網誌
內的圖片亦會在過一段時間內自動刪除。因此，我們建議用戶不要把相簿內的圖片刪除，以便網誌內的圖片不能如常顯示。不便之處，敬請原諒。


此外，日後請您小心保管您的相片，不要隨便從垃圾桶內刪除圖片或網誌，以免重要資料遭到遺失。以後若您不小心刪除相片，您僅需從垃圾桶內把移除的相片移至
其他相簿即可。

如您尚有任何疑問，歡迎您回覆此電郵與我們聯絡。

多謝您選擇使用雅虎香港服務。

雅虎香港客戶服務部

唉．．．．．

好彩 delete 得慢, 都係無晒 26-6-2010打後的相.....

唔預會有其他人再睇, 但呢 d 係我一 家回憶, 惟有慢慢一個一個入返晒 d 相, 唔係我入排唔安樂呀