110611熱爆大欖BB蕉

今日一早好好天, 又熱喎......
但媽咪佢地唔同我去行晨運o既

細媽 : 因為細媽公司有三個同事生日, 佢地好想去BB蕉, 最後決定去大欖一家燒烤場, o依家天氣熱, 所以會安排近黃昏先燒呀, 佢地想見下你, 咪遲D先出來lor

無可能出來, 就去BB蕉ga, 咪會悶屎我, 所以媽咪諗到帶我地行一小段山

小禮物

細媽 : 婷婷姐姐又買左小禮物畀你呀!!

洛B : 係嘜野來KA

細媽 : 姐姐知你鍾意玩波波, 所以咪買左個波畀你囉

洛B : 好野, 係我至愛既波波, 你記得幫我多謝姐姐呀

110606無水玩的端午節

老人家話端午節游龍舟水, 全年會好運.....
但我呢幾日唔可以玩水.....連沖涼都唔得.....點好呢

嘔嘔節能餐

今晚粽子又出爐

其中幾隻係我o架

五月粽

細媽試過整小朋友粽子成功, 佢又心癢癢試包大人粽子

佢上年已經剪低報紙, 仲上網睇片學點包, 事前功夫做足....

襯昨日短周, 下午有時間, 第一次, 就先試綠豆粽

有糯米, 綠邊豆, 咸蛋黃, 金華火腿同五香豬肉   

110605嘔中作樂在城河

好早, 媽咪已經計劃端午節兩日假期活動, 星期五仲將今日晨運行山路線話俾細媽聽添, 諗住比以前更早出門, 避開中午猛烈陽光.....

可惜, 隨著我嘔嘔而告吹

昨晚禁食, 半夜, 我仍嘔了少少白水......

今早食第一次藥後, 都食了少少粒粒糧......半小時後都無嘔返出來

大細媽唔想我呆在家, 而且要拎粽子俾大姨媽, 於是我又可以出下街, 伸展下

又嘔呀......

唉, 今早同媽咪一齊食早餐時, 我都無乜胃口, 只係飲左雞肉湯同食左少少雞肉咋, 其餘都係媽咪手餵, 我先肯食埋咋

當食完早餐, 行緊街, 我就全嘔返晒出來, 但嘔完又唔有事喎

媽咪見我無野落肚, 下晝就再蒸雞肉湯俾我補充返水份同唔屎肚餓, 但過左半個鐘又嘔返出來, 仲要氣喘添

嚇得大細媽飛的士去診所, 本來細媽叫媽咪打去預約先, 佢無理會, 終於因一個醫生放假, 一個做緊手術, 要改約今晚 10點夜診, 咪白行一趟 lor

今晚第二次去, 陳醫生話我腸胃差, 似有少少發炎, 因為最後一次嘔都係4個鐘前, 又無肚痾, 暫時唔算係好嚴重, 打了支止嘔針, 仲有 5 日藥, 12小時內禁食, 呢兩日因打了針唔可以沖涼

110604今日節目

今日星期六又點呢
細媽又要返工