070929青衣自然徑

我知媽咪同細媽早幾日已打算今日自己去Shopping, 今日一覺醒來, 我用憂鬱眼神望住媽咪, 跟住見媽咪打電話吱吱噚後, 突然同我及婆婆話: 我地唔shopping 喇, 我帶你地行青衣o丫. 嘩, 聽完後, 見媽咪即刻去整裝待發, 發達囉
因為要等細媽收工, 又要避下午猛烈陽光, 食完Lunch, 行一陣後, 行青衣自然徑又短, 又舒服, 因為要留力呀


細媽, 行快d喇, 好心急到起步點呀. 
大家記住呢個標記喎, 行右手邊樓梯上就.
1, 2, 3, 1,2,3, 我要加油往上行

1, 2, 3, 1, 2, 3, mud又上又落ge, 好彩全程都係石屎級, 唔算太難行喇.


見唔見呀, 我身後係青馬大橋呀.


返老還童又怕厭ge 婆婆





同細媽影相, 我好sweet ga, 本來都想同媽咪有多d 合照, 可惜細媽佢次次影得唔合媽咪心, 唉

大家覺唔覺我好開心呢, 本來無街去, 又突然有突如其來ge 活動por





布丁慣常pose, 我都試下先





好晏了, 開始入黑, 都係快快腳行埋全程喇.

到終點都成6點8 了, 天黑晒喇, 又係時候回家早點休息, 唔知明天去邊呢 

070926釣魚翁郊遊徑

昨晚過完中秋, 今日我一家又向另一個新地點出發喇

媽咪上網搵到清水灣釣魚翁郊遊徑唔太難,  又唔算太長, 又撞正早上天色唔錯, 僅係我呢個大自然小男出動日子喇我地由五塊田落車起步
係咪成日都見我咁笑呢, 嘻嘻, 因為又行山山lor


我唔係唔開心, 係行左一段路, 突然落雨, 媽咪同婆婆又失策無帶遮, 我變左隻泥狗lor, 點笑得出por

好彩行左一陣, 又放晴噃, 見唔見我同媽咪一齊影相時, 又笑返喇



回望返大小清水灣, 雖然有點點煙霞, 但感覺好舒服, 風景好靚wor


今日好大風, 吹到我d 頭髮散晒, 但又因為咁, 好快乾返晒
見唔見遠處尖出來ge, 就係出名ge釣魚翁, 因為太多碎石, 又斜, 媽咪唔敢帶我地行上去, 怕有意外呀
嘩, 又大風, 又大太陽, 搵個遮蔭地方避下先

後面係清水灣俱樂部, 要member 先入得wor, 反正我地都唔諗, 無得入都唔緊要


全程最難就係落石路山, 又斜又高por, 係媽咪最怕, 我當然唔驚, 一狗當先喇
到終點大廟喇, 成個行程雖然落過雨, 都無損我心情, 下次唔知又去邊呢